أنسج غرامك

هاشم بن علي الكاف

أنسج غرامك في ضلوعي من أشواق

وأغزل حنيني في سكون المدامع

حبّك بقلبي ثابتٍ مثل الأعراق

أرويه من ثاني، وثالث، ورابع

كل الحنايا من غرامك لها فاق

وكلّ المشاعر في هواك تْطابع

يا زين حبّك، طيّب الروح والأعماق

وسكّن خفوقي بالحنين الشفايع

‏إن قلت أحبّك،ما بها كذب أو نفاق

هذي حقيقة، ما بها أيّ خادع

إن غبت لك طيفٍ من الشوق خفّاق

وإن جيت، لك عمرٍ بحبّك يبايع

غيابك جمر، والوصل مثل الإشراق

ولك في عيوني نور شوقٍ يذايع

لا مرّ طيفك زاد فيني الأشواق

ويذوب قلبي بين صوتك وسامع

وإن قلت أحبك، ما كفى فيها أوراق

هذا شعورٍ داخلي ما ينازع

يكفي وجودك، يا بعد عمري الباق

وجودك أمان، وكل همٍ يوادع

تبقى بقلبي حاضرٍ ما به فُراق

وإن غبت، طيفك في خفوقي تلامع

ما هزّني غيرك، ولا غيرك أشتاق

حبك ملك قلبي، وزاد التواضع

يا زين طيفك لا لفاني على الساق

يسري بوسط القلب ولهٍ ومواجع

وإن غبت عنّي تشتعل بيّ الأشواق

وأعدّ وقتك بالليالي المرافع

تبقى حبيبي لو تغيّر بك أذواق

حبّك بقلبي ما عليه المنازع