الهقاوي
الشاعر/ جمعان مجبل العازمي
الهقاوي بعيده والأماني غفال
وأمر تحقيقها عند العزيز الحكيم
ماعليها شكوك ولا عليها مجال
الحقيقه توقع بالنحر والصميم
بعض الأحيان وأنت بقاعة الاحتفال
تبتسم وأنت في نفسك شعورً أليم
المشاعر ليامنه طواها الحيال
ماتعوّد على اللي تحتويه وتهيم
لو تحط امتعتها فوق جرفً هيال
تطلب العز لو تتعب معاه وتحيم
الحقيقه تعري من لباس الخيال
واعوجاج المبادي صعب مايستقيم
الكلام إن تحوّل من حوار لجدال
يختلط فيه مقدار الغبي والفهيم
الكرم يابدر يمحى عيوب الرجال
مثل ماتستر العفه عيوب الحريم
