حنيت

حنيت له بس قلبي منه منضامي

ونفسي عزيزة وفيها ما يكفّيها

ما ودي ارجع له وتزداد الالامي

ويشوف نفسه علي ويقول ما ابيها

اعيش ذكراه وابكي واكتب انغامي

واقول ترخص له الدنيا وما فيها

اخاف يلقى حبيبه ويقتل احلامي

ومكانتي الاوله ما عاد يطريها

وفيت له واتحمّل جرحي الدامي

لان الوفا عادةً لي ما اخليها

قدمت روحي وهذا طبع الكرامي

ومصير الايام تكشف له خوافيها

لانه سكن في فؤادي باجمل ايامي

لا يمكن انساه لو ينسى حلاويها

صحيح الايام تكشف صدق الاحلامي

ومن يرخص الغالية يرجع ويشريها

كلمات: فرس سعوديه🐎🇸🇦