شمس المغيب
![](https://alwatannews.sa/wp-content/uploads/2024/07/1000675937.jpg)
هاشم بن علي الكاف
شمس المغيب
غابت البســــمة وزادت حيرتي
من صدى آهات جرحك يالحبيب
يالله .. يالمعبود.. تقبل .. دعـوتي
تخفف ..الآلام .. وجروحي تطيب
في عتيم الليل تاهت دمعتي
رغم كل الآه ماودي تغيب
كنت اشوفك كل شي في دنيتي
لا تقول أفراقنا حظ ونصيب
ان نويت الصد وشهي حيلتي
كم حبيب راح وجا عقبه حبيب
كانت الدمعات تآنس وحدتي
الجروح ان طوّلت لازم تطيب
بعد هذا الصد ضاعت هقوتي
تبتعد عني مثل شمس المغيب
قلبي بعد الآه ينهي رحلتي
جا غريب وراح من عندك غريب
هاشم بن علي الكاف