صفحة محبة
صفحة محبة وانطوت ذاكرتها
مسحتها من طيف فكري و ذكراي
والصورة اللي كنت انا حافظتها
وغنيتها عرضة وعزفتها ناي
محيتها والقيتها واعترتها
هوج الرياح العاتية قبل ممساي
غشتني الايام في باديتها
اسهر لياليها على نور قمراي
حتى كشفت وجيهها من سمتها
وعلومها جتني على جال مركاي
عسفت له نفسي وانا مكرهتها
وقدمت له كاس المحبة بيمناي
كنت احسب اني بالغلا كاسبتها
حتى بلغت بحلمها غاية اقصاي
ويوم الليالي بينت خافيتها
عرفت اني مخطية درب ممشاي
آسير ما فكرت وش تاليتها
عشت بخيال الحب في تيه مسراي
فرس سعودية
