قلبي مانسي
يا ناس قلبي ما نسى من نساني
تنزل دموعي كل ما حل طاريه
كانه دخل قلبه حبيب مكاني
ماني من اللي ينقض العهد غاليه
ذكراه في صدري عيان بياني
لو تفتحون القلب شفتوه ماليه
ولو هو نسى حبي وراح وجفاني
أنا على حبه وعهده وماضيه
يا عيد قلبي دام ذكراه جاني
في كل عام يزيد شوقي وأناديه
لو هو نسى حبي وراح وجفاني
يبقى الغلا ساكن بقلبي ومخفيه
ما هو بيوم الحب أذكر حناني
حبه بقلبي كل يوم أحييه
إن كان هو مرتاح في حب ثاني
أنا على حبه وعهده وماضيه
