ما أقوى فراقه…..
الشاعر السيد/
هاشم بن علي الكاف “الهاشمي”
ما أقوى على فراقه مع الهجر والصد
ويصعب على عـيوني دقيقه غـيابه
قلبي بدونه ديرةً مابها حد
بُعده عَنَا قلبي وسبّةْ عذابه
ياللي خلقت الأرض وتمدها مد
يامنشي بروق المطر بالسحابه
يالخالق الرزاق يامسير العبد
ياللي على الارزاق ماصك بابه
ترد عين الريم من بعد ما ابعد
بوقتاً سريعا عدلته وانقلابه
حاولت اوصلّه رساله ولا رد
وعجزت اميز في خطاه وصوابه
إن كان في حبه عليّه يهدد
قلباً نزل سوق المحبه شرابه
وان كان يبغاها من الود للود
انا رهينة قلب حضرة جنابه
يابوي ترى الحال منها معقد
وأنا انتظر للحل وأطلب جوابه
