نصيحة محب للشاعر عاشق سراب
لاتفتح ابواب ماتقدر تسكرها
دامك على قد حالك خلك بحالك
ولا تكسر قلوب مانت بكفو تجبرها
في مابها خلها وخلك على فالك
المرجله ماتبي من لايقدرها
مقصودها وقفتك ماهو كثر مالك
مديت بحبال وصلك وانت تقصرها
وانا طويل المدى لو قصرت احبالك
ارفى عيوب الخطايا عنك واسترها
وصبرت واثر الصبر نقص مع امثالك
العز ما هو بليله وانت تسهرها
ان ما طلبته عمر مثلك شبه هالك
ما هو مجرد مسافه وانت تعبرها
لازم بكل الطرق ويكون في بالك
خذها نصيحه محب ودايم اذكرها
لازان وضعك مع الله زانت احوالك
الشاعر عاشق سراب
