ياتبوك الورد
قصيدة : للشاعرعابدالثبيتي العتيبي
ياتبوك الورد زارك غالين ياحي حيه
حي حيّك يابعد غالي. مسير. يم غالي
غالين ما عانق افراح الحشا والروح زيه
كان يزهمني شمالي الغلا واصبح شمالي
ياهلابك ياوزين الروح والدنيا الهنيه
الورود لجيّتك تفرش مثل فرش الزوالي
ياهلا بك من تحيه ماتجنب عن تحيه
ياهلا بك من بدايات القدوم اليا التوالي
أنت وحدك في نحيه والخلايق في نحيه
مايشاركك الحلا لوّل ولا بالزين تالي
طلتك طلت قمر خمسة عشر ليل اظلميه
ماتبالي من نجوم ٍ حول ليلك. . ماتبالي
فيك من ذوق الحجاز ومن حلا نجد العذيه
وفيك من زين الجنوب (الله يطعني) وحالي
وفيك مدري .فيك مدري . فيه والذمه بريه
من سِحرْ هاروت مخلوطٍ على سحر الدلالي
الوكاد اقبل شذى عطرك قبل تقبل عليه
عطرك اللي قبل عشر اسنين باقي في خيالي
واوجودي واوجودي. كل مايطري عليه
الزمان الي مضالي مع زمانك والليالي
–
