يوم الوطن .. شعر

شعر/المحامي
سلامه بن فدعوس الظفيري

يالله يالواحد المعبود و مجيب
تحفظ بلادي أرضها مع سماها
وتحفظ لنا سلمان حصان الأطاليب
سلمان سلمان الحزم مبتداها
وتحفظ ولي العهد عطب المضاريب
محمد بن سلمان خصومه كواها
ويوم الوطن عطله وفرحه وترحيب
عمت بلادي مدنها مع قراها
يوم لنا مشهود بعال المراقيب
نتذكر الماضي بشموخه طواها
دوله عظيمه ما وطتها المناديب
عبدالعزيز اسس و وحد لواها
وبعده ملوك العز بالدور ترتيب
عاشت بلادي في ذراهم مداها
واليوم عهد الحزم والعزم لاريب
عهد الملك سلمان فيه نتباها
عهد الفخر والعز ما به عذاريب
عهد يعيد أمجاد ماضٍ حواها
عهدٍ قلب كل الموازين تقليب
و دانت لنا الاقطار تعلن ولاها
حنّا سعوديين رجال المواجيب
نقدم على الأخطار و ننهي بلاها
عند العقيده والوطن والرعابيب
أرواحنا و المال جعله فداها
هذا وطنّا منبع الجود والطيب
مهبط وحي والأفئده من غلاها