بترٌ لا يُرى… وفراقٌ يسكن القلب
بقلم : حمساء محمد القحطاني _ الافلاج
روحي اليوم مو مثل كل يوم
كأنها مبتورة من مكانها
كأن جزءٍ مني انقطع وسكن الفراغ
عصفورتي…
ما كان وداعك مجرد انتقال
كان اقتلاع إحساس
كان صمت داخلي ما ينشرح
أحس إنك ما رحتي لمكان آخر بس
أحس إنك أخذتي معك قطعة مني
ضحكة كانت تعيش فيني
وأمان كنت أتنفسه بدون ما أحس
الغريب…
إني واقفة هنا كاملة في عيون الناس
لكن داخلي ناقص
شيء مبتور
ما له صوت بس وجعه واضح.
كنت أظن الفراق كلمة
وأثره شعور عابر
لكن طلع الفراق بتر
بتر ما يبان
بس ينزف في القلب بهدوء…
عصفورتي…
الله يكتب لك الخير أينما كنتِ،
ومصير الحي يتلاقى… ولو بعد حين 🤍
