في المعسكر مجانين
بلقيس بنت فايد الشميري_جدة
مدام عندي في المعسكر مجانين
دق الطبول وهات فوح الدلالي
جهازي الهضمي وبعض القوانين
ماينطرب للسوق والسوق غالي
ليّه مع الدفتر مسار وجثامين
وليّه مع الأيام ماضي وتالي
ومدامها بالزين ماجات بالشين
حلفت لأسقيكم من الشهد حالي
يامروجين الكذب رغم الأمرين
لابد ماتقطع لسان الهبالي
ولا بد ماترجع بطولات حطين
والمعتدي يُدحر ولا له مجالي
وإن عدتما عدنا ومعنا البراهين
يابو خفوقٍ فاضي وقلب خالي
هذي عوايدنا وسلم المحبين
هزم المعادي واحتلال المعالي
ماني ببو وجهين ياكامل الزين
تكرم لحانا عن عفون الليالي
أنا وسيع بطان أول وذلحين
وانت السروق اللي يقطع حلالي
ماعاد نبغى ليه .. بدري وبعدين
هذي بلاد العز حالي ومالي
وانا عقيد الحب تاجٍ وسيفين
وانا الفضا صفي ومبدا نزالي
