الوالد محمد
قاسم الأشجعي
نتقدم بخالص التعازي وصادق المواساة إلى أسرة آل سعود الكرام في وفاة الأمير / محمد بن فهد بن عبدالعزيز وذوي الفقيد، سائلين المولى عز وجل أن يتغمده بواسع رحمته ومغفرته ورضوانه ويلهم أهله وذويه الصبر والسلوان .
مشاعر / نواف بن فيصل بن فهد
عظم الله اجرنا واجر البلد
في فقيد قلوبنا الوالد محمد
غاب ابو تركي عضيدي للابد
والاجر للي صبر واللي تحمد
العزا لعيال عمي بالعدد
وللعمام ومن شكى الفقد وتنكد
راح ياتركي ابو الطيب وصعد
للسما والقلب من بعده تبدد
عمي اللي وحد الله وسجد
تشهد الدنيا على طيبه وانا اشهد
عمي اللي كان ما يخلف وعد
وعن فعول الخير عمره ما تردد
عمي اللي كان في الدنيا سند
كم جبر كسر وبرى جرحً وضمد
عمي اللي كان له برق ورعد
وغيث خير اليا لمس قاع تورد
غاب فيصل غاب ومن بعده فهد
وغبت ياعمي وانا همي تجدد
ياعساك برحمة الرب الاحد
وفي نعيم الخلد بالجنه خلد
