قصيدة “يوم العلم”
الشاعر طلال بن فهد
يــوم الـعـلم مـاهـو مـثل كـل الايـام
لــه مـنـزله عـلـيا ولــه شــانٍ كـبـير
ويـوم الـوطن ماهو حسابات وارقام
عمر الشعب عمره من كبير وصغير
فــيـه نـتـباها ونـفـتخر بـيـن الانــام
والـيـا ضـمـا ، دمـائـنا كـنـها بـيـر
نـقدم اليا احتاج الوطن مننا اقدام
بــارواحـنـا وامـوالـنـا دون تـأخـيـر
لـلـمـملكه بـاجـسـادنا درع وحــزام
الــــدار دونــــه مـاتـفـيـد الـمـعـاذير
نـصير فـي حـد الوطن مثل الالغام
ونـفـجر الـلـي يـعـتدي فـيـه تـفجير
حـقـيـقة مــاهـي خـرافـات واوهــام
نـفخر بـه ونـحضر له بدون تقصير
حــنـا وطــنـا قـبـلـه لـكـل الاســلام
حــنـا وطــنـا غـيـر وحـكـومته غـيـر
يـرفـع عـلـمنا يــوم تـنكيس الاعـلام
ويــزبـن الـمـضـيوم ويـعـدل الـسـير
فـي حـكم اخـو نـوره لـيا قال قدام
قـدام كـل الـشعب في حكمه يسير
سـلمان سـلمان العرب شرقٍ وشام
يـامـر عـلـى الـعالم ومـاقاله يـصير
ونـجـله ولــي الـعـهد لـلـضد لـطـام
مـحـمد بــس اسـمه يـهز الـطوابير
ضـرغام ومـعنز عـلى راس ضرغام
مـايـشبه الا اجـبال ابـانات والـنير
فـيه مـن اخـو نـوره مـعزي لـيا قام
عـبـدالـعزيز الــلـي سـيـوفه بـواتـير
حـكـيم راي وصـلـف يـمـنا ومـقدام
ويـسخر الـعالم على رضاه تسخير
تـحـققت فــي عـهدهم كـل الاحـلام
ويــدبــرون امــورنــا خــيـر تـدبـيـر
وحـب الـوطن بصدورنا نعلقه وسام
مــاهــو كـــلام نـعـلـقه بـالـمـسامير
