الجمل لا طاح كثره سكاكينه

الجمل لا طاح كثره سكاكينه

صحيح الجمل لا طاح كثره سكاكينه

وش يضره ان شلوه ولا بعد خلوه

مصيبه اذا جات لوفي من محبينه

جريمه الى منهم تعدوله وخلوه

حكوا واسمعوا وحطوا شماله عن يمينه

وسيف الالم في غيبته بالغدر سلوه

الى صار هذا موقفه ويش بايدينه

من اهات وجده كيف منهم يبي ذلوه

ولكن له الله ينصره والله يعينه

وبيكفيه شر اللي بغيابه عنه هلوه

مثل ما بطل الله سحر فرعون بالزينه

على يد موسى يومهم بالسحر فلوه

جبل ما تهزه ريح ودينه على دينه

ولو كثروا بالهرج والا غصب قلوه

لان الجمل لا طاح كثره سكاكينه

ولا ضره ان شلو ه ولا بعد خلوه

عاشق سراب 🤍